Ida Giulia La Rosa

Benvenuto

 Mi Presento Opere Scrivimi

 

 

      LA CASA IN AFFITTU

      Ci misi lu «Si loca» a la me casa

      e la dugnu in aFfittu.

      Ssa casa scunsintuta

      s'a' fari sulu abbirsari

      e quannu trasi lu suli

      sintiti comu si ciacca di li risati.

      Iù la lassu accussì com'è,

      fetu non ci nni lassu.

      Scuzzulatici li mura,

      facitici nesciri

      lu sangazzu attassatu

      e ntunacatila bona.

      Ssi mura hannu ntisu

      lu ventu chianeiri,

      hannu vistu mattrattari

      preuli abbuttunati.

      Ma dda supra, nta la sulicchialora,

      Lu suli si fa teniri ancora nta 'n-pugnu.

      Ssa casa ci la cedu

      a un gabillotu stancu di scintiniari,

      pirchì ci ha fari vidiri

      spaddati di buttuna di rosi,

      stiddi stinnuti a lu balcuni

      e na vota ogni ntantu

      ci a fari godiri lu martedì grassu.

      Non vi scantati pi li soldi:

      si la linchiti di tutti sti cosi,

      vi la dugnu rigalata.

 

 

© copyright Akkuaria 2000
Scrivici