L’ANGILI

 

Lu sapiti cu’ su’ l’angili?

Su’ li vecchi di la terra,

divintati trasparenti pi li peni,

e ntulittati di suli.

Su chiddi ca lu tempu ha stracangiatu,

cu la facci signata di tanti cruci

e cu l’ossa ca fannu vuci:

Chiddi c’hannu li canneddi

senza chiù meli

pirchì ci l’hannu adattatu

li parenti e li guvirnanti.

Iddi, in vita,

siddu stenninu la manu

non è pirchì volinu:

E’ pi sustinìriti finu chi grapinu l’ali

e satari l’ultimu fossu

senza farisi mali.