IL DIAVOLO E… GIULIA

SI FUSSI VENTU

 

Si fussi ‘n-ventu beneficu

nta tutti li casi

vulissi trasiri

e li tarantuli sdirignari

pi non farici tessiri

tili ngannusi.

A l’arvuli carichi d’anni

cu li rama ci facissi

tuccari lu celu

e ci scutulassi li spaddi

pi libirarli di lu pisu,

di li pampini morti,

e farli ciatari.

Unni ci fussiru trazzi

‘n-cicluni divintassi

pi straviari celi silinziusi

e vuci chi tagghianu.

Pi cu’ nveci pati p’amuri

vulissi divintari

na duci rufuliata

e ncuntrari 'n-ecu

chi parra sulu di

primavera.

----------------------------

Nota critica di Salvatore Camilleri