FIMMINA NOVA

DOGGHIA DI FIGGHIA

Pi tia matn

divintai scappillinu di petra lava

e ti mudillai.

Non fu facili scavari

p'anfinu a dda sbrizza di sangu chi ti ficundò:

c'era 'n-Pilatu

chi, pi lavarisinni li manu,

mi cunfunneva li mirudda.

Ma iù ci la fici lu stissu

a cumplitariti:

manu manu chi ti livava li spuntuni

chi tagghiavanu,

tu, matri, mi sbucciavi nta li manu.

Ti fici l'occhi sulicchialori;

la vucca chi cunta favuli;

lu ciatu carnali.

Nta lu pettu ti sculpii lu suli

e pi vrazza ali caudi

chi abbrazzanu nta lu sonnu.

Ti fici li minni di balia;

lu passu filpatu di la jatta;

ti desi lu canduri di la paiumma,

la buntà di l'agneddu;

poi ti cummigghiai di cantusciu

e ti nsignai a neseiri diii timpesti.

Linchii di palori lu silenziu

e cumposi na vò-vò,

e finalmenti riturnai picciridda

e pila prima volta tu jucasti cu mia.

D'accussì ti vuleva!

E stanotti stissu ti parturii.

---------------------------------

Note critiche di

- Santi Correnti

- Alfio Patti

- Fortunato Orazio Signorello